- LUDOVICUS XI
- LUDOVICUS XI.fil. Car. VII, ambitione regnandi ardens, cum Galliae hostibus, contra patrem, coniuravit: Delphinatu, quo se receperat, excedere coactus, in Brabantiam ad Burgundiae Ducem se contulit. Auditâ patris morte A. C. 1461. hoc cum filio comitante, Remos pervenit, ab Archiep. Ioh. Iuv. de Ursinis coronatus. In regno saevus, patris ministros removit, et quidquid ab illo constitutum, irritum reddidit. Hinc bellum, cui speciosus a publico Bono praetextus, ortum, auctoribus fratre Regis, Duce Bituricensi, Ducibu Britanniae et Borbonie, ut et Comite Carolesio, Burgundiae Ducis fil. Concursum ad Montleherium, neutrâ parte vincente, A. C. 1465. Ne graviora sequerentur, Lud. dextre Ligam dissolvit, pace ad Confluentiam initâ, quâ Normannia fratri. Burgundo quaedam in Picardia loca, Com. Stampensis Britanniae Dux et Connestabilis dignitas Comiti S. Pauli, quem postea capite plecti iusit, concessa. Dein frater Normannia orbatus, denuo se Britoni et Burgundo iunxit: quorum alteri Rex bellum indixit, contra alterum leodiensibus suscitatis. Pace tamen ad Peronnam Burgundus superior, Regem alias adeo callidum ad Campaniam Briamqueve fratri concedendas, et Leodienses ad obsequium redigendos iunctis viribus, adegit. Sic Leodium captum, direptum, exustum. Paulo post et fratre et Burgundo elusis, ordinem S. Michaelis Ambosiae instituit, A. C. 1469. quem Brito recusavit, Burgundo Anglicum capiente. Ergo Fratrem primo, dein Burgund. Ducem perhostes ipsisuscitatos perdidit, omniaque quae eminere videbantur in regno, sic depressit, ut de illo dictum: Qu'il avoit mis les Roys hors de Page. Mortuo Car. Burgundiam Coronae denuo uniit, Provinciam ab ultimis Comitibus sibi donatam eidem adiunxit, foedus cum Helvetiis, quorum fortitudo in praelio prope Basileam ipsi probe perspecta erat, fanxit, Angloque intra Ins. suam detento, profundam pacem regno conciliavit: Auctis nihilominus tributis, populo gravis, et saevus in novarum rerum suspectos. Tandem appropinquante senio, et morbis ingravescentibus, intolerabilis omnibus evasit, tanto horrore mortis correptus, ut ne vocem quidem audire posset, legatisque quaquaversum missis, et punitis sontibus, se vivere testaretur: In hoc statu a Iacobo Cocterio Medico, qui immensam pecuniae vim ex illo intra breve tempus, extorserat, indigne habitus. obiit A. C. 1483. Aet. 60. Regni 22. Sepulchrum bellis civilibus A. C. 1562. direptum. Ex Charlotta Sabauda, pater Car, VIII. Princeps astutus, vindictaecupidus, nemini fidens, sesolo nixus, devilissima plebe homines evehere solitus: Ceteradexter, acutus, literatus. Comineus, in Lud. XI. Gaguinus. Legatum Baiazethis quod ultra Massiliam penetrare noluerit in regnum, eo quod nihil possit esse Christianis commune cum hostibus IESU CHRISTI, Historicis laudatus. Pondus mensuramque porro unicam Galliae dare, ut et statuta omnibus provinciis communia condere in animo habuisse, fertur. Pet. Matth. in Lud. XI. Serres, etc.
Hofmann J. Lexicon universale. 1698.